„Við erum með ný Covid tilfelli," sagði Pep Guardiola, stjóri Manchester City, á fréttamannafundi í dag. City mætir Chelsea í stórleik í hádeginu á morgun.

„Sumir eru að greinast jákvæðir í annað sinn. Við höfum lent í mörgum tilfellum og meiðslum ofan á það. Við höfum verið að spila með akademíuleikmenn á bekknum, við erum í sömu stöðu og öll önnur félög."

Manchester City hefur ekki nafngreint þá sem missa af leiknum á morgun.

„Við höfum þurft að taka einn dag í einu og taka ákvarðanir nokkrum klukkustundum fyrir æfingar eða leiki. Stundum er allt í góðum málum en svo fjórum eða fimm klukkustundum síðar erum við komnir með smit."

Manchester City mætir Chelsea 12:30 á morgun eins og áður segir og Guardiola fer fögrum orðum um kollega sinn, Thomas Tuchel stjóra Chelsea.

„Hann er svo skapandi. Hann er einn af fáum stjórum sem ég læri stöðug af, læri sjálfur að verða betri stjóri. Hann er magnaður að öllu leyti. Ég hef notið þess að horfa á hans lið síðan hann var hjá Mainz og Dortmund. Hann gerir heimsfótboltann betri og vill alltaf vera jákvæður í því hvernig hans lið spila," segir Guardiola.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit