Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

lau 14. mars 2026 16:00

Arngrímur Alex Ísberg Birgisson

Jökull: Eitthvað sem enginn hjá okkur sættir sig við

Mynd: Fótbolti.net - Hafliði Breiðfjörð

„Þetta var dapurt hjá okkur í dag, þetta var svona flatt og soft, eitthvað sem enginn hjá okkur sættir sig við. Ég held að þetta sé verðskuldaður fjögurra marka munur á milli liðanna," sagði Jökull Elísabetarson, þjálfari Stjörnunnar, eftir 0-4 tap gegn KR í undanúrslitum Lengjubikarsins í dag.

Lestu um leikinn: Stjarnan 0 - 4 KR

Hvernig meturðu liðið þegar það er tæpur mánuður í mót?

„Ég er bara mjög ánægður á hvaða stað liðið er heilt yfir, við erum búnir að vinna alla leikina fyrir utan þennan og það er bara gott að sjá hvað gerist og hvernig það lítur út þegar við mætum ekki klárir. Ég er rólegur með liðið en við getum ekki mætt aftur svona í leik."

Það vantar leikmenn eins og Damil Dankerlui og Danna Finns, hvernig er staðan á þeim?

„Þeir eru að koma til baka, Danni er búin að vera svolítið langan tíma síðan síðasta sumar, brotnaði. Damil smá slingur og sama með Ibra (Turay), þeir verða klárir annaðhvort miðja eða lok næstu viku. Þorri er byrjaður að æfa, það er stutt í þá sem eru meiddir."

Það má þá búast við því að þeir verði á leikskýrslu í fyrsta leik í Bestu?

„Ég held að allir þessir ættu að vera klárir í það, já."

Haukur Örn er búin að vera góður, hvernig finnst þér hann hafa tekið gott skref áfram og stigið upp?

„Já mjög, hann var frábær hjá okkur fyrir tveimur árum og það vantaði aðeins upp í fyrra, reyndar frábært að sjá hvernig hann kom aftur þegar hann kom heim. Maður sá líka hvað stefndi í þá, það var þannig gír í honum og bragur og orkan frá honum, þannig að hann er að spila frábærlega og lítur alveg vel út."

Jökull um breiddina í hafsentastöðunni: „Ég veit það ekki þegar það er seinna í mótinu, það verður að koma í ljós, en framan af þá vonum við að þrír hafsentar séu nóg."

Er búist við fleiri hreyfingum á markaðinum?

„Nei ég held að við bætum ekki neinu við, þetta er hópurinn sem fer inn í mót, ég held að við séum ánægðir með hann."

Emil Atla virtist meiðast í leiknum, hvernig var staðan á honum?

„Hún er bara mjög góð, það var traðkað á honum og snéri sér eitthvað við það held ég, það er eitthvað smotterí."