Diego Simeone ætlar að gera Yamal lífið leitt
Diego Simeone, þjálfari Atlético Madríd á Spáni, hefur ákveðið að verða ekki að ósk spænska leikmannsins Lamine Yamal, en hann ræddi við fjölmiðla fyrir leikinn gegn Barcelona í kvöld.
Atlético tekur á móti Barcelona í 8-liða úrslitum Meistaradeildarinnar klukkan 19:00.
Yamal, leikmaður Börsunga, bað Simeone um að hafa bara einn leikmann til að dekka sig í leiknum í kvöld eða bað um einn á einn stöðu í stað þess að láta alla elta hann um allan völl.
Simeone svaraði Yamal í viðtali stuttu fyrir leik þar sem hann hafnaði beiðni táningsins.
„Bað Lamine um einn á einn? Þá held ég að við setjum fjóra til sex leikmenn á hann!“ sagði Simeone og hló.
Atlético vann fyrri leikinn 2-0 á Camp Nou en seinni leikurinn er spilaður í Madríd.
