Honum leið þó illa fyrir leikinn og skánaði ástandið ekki þegar tók að líða á fyrri hálfleikinn. Mauricio Pochettino tók hann því útaf í hálfleik.

„Hann hitaði ekki upp með liðinu því honum leið furðulega. Hann var mjög lélegur í fyrri hálfleik útaf þessu og þess vegna skipti ég honum útaf," sagði Pochettino.

„Við vitum ekki alveg hvað var að en okkur grunar að þetta sé þreytueinkenni. Við þurfum að skoða hann betur. Hann fær að hvíla næstu vikur og verður vonandi klár í slaginn í júní."

Tottenham mætir Liverpool í úrslitaleik Meistaradeildarinnar 1. júní.