lau 14. maí 2022 22:49
Brynjar Ingi Erluson
Markvörður Venezia átti stórleik gegn Roma - Varði 16 skot
Niki Mäenpää var magnaður í rammanum í kvöld
Niki Mäenpää var magnaður í rammanum í kvöld
Mynd: EPA
Finnski markvörðurinn Niki Mäenpää var maður leiksins er Venezia gerði 1-1 jafntefli við Roma á Ólympíuleikvanginum í Róm í kvöld en hann fær 10 fyrir frammistöðuna.

Venezia náði forystunni á fyrstu mínútu í gegnum David Okereke en eftir það sá Niki um rest.

Gestirnir spiluðu manni færri síðasta klukkutímann en finnski markvörðurinn varði sextán skot í leiknum og þar átta skot í teignum.

Hann hefur barist við Sergio Romero um markvarðarstöðuna á þessari leiktíð og spilaði 16. deildarleik sinn gegn Roma.

Niki átti flestar markvörslur í einum leik í fimm stærstu deildunum síðan 2019.

Þó hann hafi ekki náð að koma í veg fyrir jöfnunarmark Roma þá er alveg ljóst að hann tryggði liðinu stig í kvöld.


Athugasemdir
banner
banner
banner
banner