14.08.12 - 11:24
Magnús Már Einarsson
Aron Einar nýr fyrirliði Íslands (Staðfest)
Mynd: Fótbolti.net - Hörður Snævar Jónsson
Mynd: Fótbolti.net - Hörður Snævar Jónsson
Aron Einar Gunnarsson verður fyrirliði íslenska landsliðsins í undankeppni HM 2014 en þetta var staðfest á fréttamannafundi í dag. Leikmönnum var tilkynnt þetta á fundi í gær.
,,Það er ákveðið stolt að bera fyrirliðabandið og ég er ánægður með það. Ég hef verið að vinna að því að fá það og að hafa fengið það svona ungur er glæsilegt. Ég er stoltur af því,\" sagði Aron á fréttamannafundi í dag.
Aron Einar var með fyrirliðabandið í vináttuleikjunum gegn Frökkum og Svíum í vor og hann verður með bandið gegn Færeyingum á miðvikudag og í komandi leikjum í undankeppninni.
Sölvi Geir Ottesen var fyrirliði í undankeppni EM og hann var líka fyrirliði í öðrum vináttuleiknum undir stjórn Lars Lagerback þegar Ísland mætti Svartfellingum í febrúar.
Aron Einar byrjaði á bekknum þar en hann var með fyrirliðabandið gegn Frökkum og Svíum þar sem Sölvi var fjarverandi. Lars hefur síðan ákveðið að Aron verði fyrirliði landsliðsins.
Aron Einar er 23 ára gamall en hann hefur leikið 28 landsleiki síðan hann lék sinn fyrsta leik árið 2008.
Aron Einar var með fyrirliðabandið í vináttuleikjunum gegn Frökkum og Svíum í vor og hann verður með bandið gegn Færeyingum á miðvikudag og í komandi leikjum í undankeppninni.
Sölvi Geir Ottesen var fyrirliði í undankeppni EM og hann var líka fyrirliði í öðrum vináttuleiknum undir stjórn Lars Lagerback þegar Ísland mætti Svartfellingum í febrúar.
Aron Einar byrjaði á bekknum þar en hann var með fyrirliðabandið gegn Frökkum og Svíum þar sem Sölvi var fjarverandi. Lars hefur síðan ákveðið að Aron verði fyrirliði landsliðsins.
Aron Einar er 23 ára gamall en hann hefur leikið 28 landsleiki síðan hann lék sinn fyrsta leik árið 2008.
