Brasilíska stórstjarnan Neymar hefur verið mikið á milli tannanna á fólki í sumar. Hann vildi fara aftur til Barcelona en samningar náðust ekki tímanlega og því er hann áfram leikmaður PSG.
Neymar spilaði sinn fyrsta leik á tímabilinu í dag er PSG fékk Strasbourg í heimsókn. Hann byrjaði inná og baulaði stór hluti stuðningsmanna á hann.
Staðan var markalaus þar til í uppbótartíma og svaraði Neymar baulinu þá með stórkostlegu sigurmarki sem er hægt að sjá hér fyrir neðan.
Neymar fékk fyrirgjöf frá vinstri kanti og fór í bakfallsspyrnu. Hann kom vinstri fætinum í knöttinn og skoraði glæsilegt mark.
Athugasemdir