Ralph Hasenhuttl, stjóri Southampton, sat í morgun fyrir svörum á fréttamannafundi fyrir leik liðsins gegn Leeds á laugardag.

Hasenhuttl býst við mikilli ákefð í leiknum. „Að meðaltali nær Leeds að halda andstæðingum sínum í einna fæstum sendingum sín á milli af liðum í deildinni. Þetta verður skemmtilegur leikur áhorfs fyrir hlutlausa með mörgum mistökum því bæði lið pressa mikið."

„Þið munuð ekki sjá fimm stjörnu kvöldverð, þetta mun snúast um að vinna seinni boltana. Þannig spilar Leeds og við verðum að finna rétta svarið því þetta verður mikill bardagi."

„Liðið sem skorar fyrst verður klárlega í góðri stöðu því það gefur því liði aukna möguleika á að nýta sér skyndisóknir sem bæði lið vilja gera. Við viljum ekki að það sé þægilegt að koma á St Mary's til að taka stig svo við þurfum góða frammistöðu frá leikmönnum og stuðningsmönnum. Stuðningsmenn verða að styðja okkur til að setja pressu á andstæðinginn," sagði Hasenhuttl.

Jack Stephens og Che Adams verða ekki með Southampton um helgina.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit