Arnar minnist Guðjóns - „Hafði mikil áhrif á mig“

„Fyrst og fremst mjög leiðinlegar fréttar. Ég vil votta fjölskyldu hans mínar dýpstu samúðarkveðjur. Við fréttum þetta fyrir leikinn í gær. Hann á stóran þátt í mínum fótboltaferli. Ég átti mjög góðar stundir með honum uppi á Skaga, með landsliðinu og hjá Stoke," sagði Arnar.

„Hann hafði mikil áhrif á mig, bæði sem leikmaður og sem þjálfari. Þetta er mikil goðsögn sem er fallin frá í íslenskum fótbolta. Vonandi náum við að minnast hans vel á mánudaginn og gefa kallinum góðan sigur."

Ísland mætir Lúxemborg á Laugardalsvelli á mánudag og má gera ráð fyrir því að Guðjóns verði minnst fyrir þann leik. Guðjón stýrði landsliðinu 1997-1999 og var þjálfari liðsins alla undankeppnina fyrir EM 2000, þar sem liðið náði fræknu jafntefli gegn Frakklandi í fyrsta leik þess eftir að hafa verið krýndir heimsmeistarar árið 1998.