Sage hafnaði viðræðum við nokkur félög

Sage hefur ákveðið að taka sér frí frá fótbolta og greina fjölmiðlar frá því að hann hafi hafnað að fara í viðræður við að minnsta kosti tvö félagslið í heimalandinu.

Hann neitaði að ræða við sitt fyrrum félag Lens, sem hefur ekki tekist að fylla nægilega vel í skarðið sem Sage skildi eftir þegar hann var ráðinn til Palace í sumar. Lens er aðeins með 13 stig eftir 10 umferðir eftir að hafa endað í öðru sæti á síðustu leiktíð.

Dino Toppmöller og Yannick Cahuzac hafa báðir reynt fyrir sér við stjórnvölinn hjá Lens frá því að Sage skipti um félag og var Didier Digard svo ráðinn á dögunum, eftir að Sage hafnaði að hefja viðræður.

Þá neitaði hann að fara í viðræður við Strasbourg sem hefur farið mjög illa af stað á nýju tímabili og er starf Hugo Oliveira þjálfara í bráðri hættu. Hann var ráðinn til Strasbourg í sumar sem arftaki fyrir Gary O'Neil, sem samdi við Ipswich Town.