Tómas Bent Magnússon gerði í dag nýjan tveggja ára samning við ÍBV. Þetta kemur fram í tilkynningu frá knattspyrnudeild félagsins.
Tómas er fæddur árið 2002 og steig sín fyrstu skref með meistaraflokki Eyjamanna árið 2019.
Hann lék þá tvo leiki í Pepsi Max-deildinni en hefur spilað stærra hlutverk með liðinu í Lengjudeildinni síðustu tvö tímabil.
Tómas á nú 37 leiki og 4 mörk að baki fyrir liðið í deild- og bikar en hann hjálpaði liðinu að komast upp í efstu deild á síðasta tímabili.
Þessi öflugi leikmaður gerði tveggja ára samning við Eyjamenn í dag sem undirbúa sig af kappi fyrir komandi leiktíð.
Athugasemdir