Byrjunarlið Breiðabliks og Vestra: Höskuldur utan hóps - Arnór Borg byrjar sinn fyrsta leik

Halldór Árnason gerir fimm breytingar frá 0-1 sigri gegn KA í síðustu umferð Bestu-deildarinnar. Höskuldur Gunnlaugsson þurfti þar að víkja af velli í hálfleik en hann er utan hóps í dag.
Inn í byrjunarliðið koma þeir Daniel Obbekjær, Kristinn Steindórsson, Ágúst Orri Þorsteinsson, Valgeir Valgeirsson og sömuleiðis er markvarðarbreyting Brynjar Atli Bragason stígur inn í búrið í stað Antons Ara.

Davíð Smári, þjálfari Vestra, gerir fjórar breytingar á liði sínu eftir 2-0 sigur gegn Aftureldingu.
Hann gerir sömuleiðis markvarðarbreytingu, inn kemur Benjamin Schubert í stað Guy Smit.
Þeir Thibang Phete, Gunnar Jónas Hauksson og Arnór Borg Guðjohnsen koma allir inn í byrjunarliðið. Verður þetta fyrsti byrjunarliðsleikur Arnórs fyrir Vestra en hann skoraði í sínum fyrsta leik.

Byrjunarliðin má sjá í heild sinni hér að neðan.