ÍBV 1 - 3 Víkingur (18 í dag)
Flott að fá umferðina af stað með The Jón Skaftason Derby. Víkingar leka auðvitað inn einu en það verður sannkölluð Kristalsnótt í Vestmannaeyjum sem heimamenn munu ekki ráða við.

KR 1 - 0 ÍA (19:15 í dag)
Sama húsnæði, sama starfsemi. KR eru með betra lið og vinna þennan leik ekkert sérstaklega sannfærandi, en vinna hann þó. Pontus Lindgren með sigurmarkið í The Arnþór Ingi Kristinsson Derby. Sá grafíski mun mæta á spjalborðið, fyrirsögnin: Við fengum hann bara.

KA 2 - 2 Fram (18 á morgun)
The allir sem eru skyldir Todda Örlygs og Almari Ormars Derby mun bjóða upp á frábæra skemmtun. Hlynur Atli skorar bæði mörk Fram, annað jöfnunarmark í uppbótartíma þar sem hann fer úr að ofan og sýnir skilaboðin "HÖDDI KOMDU HEIM".

Keflavík 0 - 3 Stjarnan (19:15 á morgun)
Þetta er tilvalinn leikur fyrir unga leikmenn Stjörnunnar til að skína skært. Finn samt á mér að Ólafur Karl Finsen skori tvö í The Tómas Karl Kjartansson Derby. Tommi, þvílíkur kóngur!

FH 1 - 1 Leiknir (19:15 á morgun)
Kiddi Freyr kemur FH yfir og Frey Árna fer að dreyma. Það mun því miður ekki duga því að færeyski sköllótti skelfirinn jafnar leikinn eftir að hafa eytt fyrstu 10 mínútum seinni hálfleiks í innilegu samtali við Sigga Höskulds. Umdeild ákvörðun sem mun borga sig á endanum í The Halldór Kristinn Halldórsson Derby.

Valur 2 - 1 Breiðablik (20:15 á morgun)
Það sem Val vantaði í bikarleiknum um daginn var einhver albesti away day stuðningsmaður landsins. Vill svo skemmtilega til að hann er líka einn alvirtast fjármálaráðgjafi sjávarútvegsins. Hann ætlar að mæta á fimmtudaginn syngjandi sitt uppáhalds lag "I'm so glad that Heimir is a red" og þetta mun þenja vængi Valsmanna. Aron Jó með bæði mörkin fyrir okkur áður en Óskar Hrafn Þorvaldsson skiptir sjálfum sér inn á undir lok leiksins og minnkar muninn í The Tómas Óli Garðarsson Derby. Sérstakur heiðursgestur verður einn ástsælasti leikmaður Vals og Blika, Arnar Sveinn Geirsson. Hann mun byrja leikinn við hlið Grænu Pöndunnar sem munu taka týnda syninum fagnandi áður en hann færir sig svo yfir í uppáhaldssætið sitt, aftast fyrir miðju í úlpu sem hann getur bæði notað á veturna og sumrin og er þar af leiðandi hans uppáhalds flík. Á fimmtudaginn skrifum við endurkoma: H-EI-M-I-R.