Staðan er markalaus í viðureign Dalvíkur/Reynis gegn Keflavík í Lengjudeild karla, en heimamenn í Dalvík eru leikmanni færri.
Lestu um leikinn: Dalvík/Reynir 0 - 0 Keflavík
Þeir eru án Amin Guerrero Touiki sem var í byrjunarliðinu en fékk að líta beint rautt spjald á 42. mínútu.
Amin lenti saman við Gunnlaug Fannar Guðmundsson og lá sá síðarnefndi eftir í jörðinni eftir kíting þeirra á milli. Keflvíkingar brugðust illa við og héldu því fram að Gunnlaugur hafði verið kýldur í punginn.
Gunnlaugur sjálfur brást við með kjaftbrúki og fékk gult spjald að launum frá Twana Khalid Ahmed dómara, sem lét leikinn þó ekki fara aftur af stað strax.
Þess í stað ræddi Twana við aðstoðardómarann sem sá atvikið betur. Hann útskýrði fyrir Twana að Gunnlaugur hafi verið kýldur í punginn og því var ekkert eftir í stöðunni nema að gefa Amin beint rautt spjald.
Atvikið er hægt að sjá með að smella á hlekkinn hér fyrir neðan, þar sem leikurinn er sýndur í beinni útsendingu á YouTube rás Lengjudeildarinnar. Atvikið á sér stað eftir um 38 mínútna leik.
Bein útsending
Athugasemdir
