Hörður Björgvin Magnússon, varnarmaður CSKA Moskvu, skoraði í sigri gegn Spartak Moskvu í grannaslag í rússnesku úrvalsdeildinni um helgina.

Hörður varð faðir í fyrsta skipti fyrr á þessu ári og hann tileinkaði markið dóttur sinni.

„Þetta var risa sigur fyrir okkur. Ég er ánægður með að geta unnið þennan leik fyrir stuðningsmennina og fólkið sem gat ekki komið á völlinn út af reglum sem eru í gangi," sagði Hörður í viðtali eftir leik.

„Ég vil tileinka dóttur minni markið en hún er heima (á Íslandi). Ég hlakka til að koma með fjölskylduna til Moskvu."