Sancho kom United á bragðið á 17. mínútu eftir sendingu frá Christian Eriksen.

Englendingurinn fagnaði með því að taka upp legghlíf úr sokknum og sýna en þær eru sérmerktar honum.

Það áhugaverða við legghlífarnar er það að hann fékk þær í gjöf frá ungum stuðningsmanni á dögunum sem vildi sérstaklega heilsa upp á Sancho til að afhenda honum gjöfina.

Stuðningsmaðurinn er eflaust yfir sig ánægður með að Sancho hafi ákveðið að nota hlífarnar en það má sjá myndskeið af því þegar hann afhendir leikmanninum búnaðinn og svo fagn Sancho í kvöld.