Sveinn Þór Steingrímsson er hættur sem þjálfari Dalvíkur Reynis og hefur verið ráðinn sem aðstoðarþjálfari KA.
Sveinn tók við sem aðalþjálfari Dalvíkur/Reynis um mitt sumar 2017 eftir að hafa verið aðstoðarþjálfari hjá Atla Má Rúnarssyni.
Á nýliðnu tímabili náði liðið frábærum árangri undir hans stjórn og stóð uppi sem deildarmeistari í 3. deildinni. Liðið mun því á næstu leiktíð spila í 2. deild.
„Knattspyrnudeild Dalvíkur þakkar Sveini fyrir samstarfið og óskum honum velfarnaðar í nýjum verkefnum," segir í frétt á Dalvíksport.is.
Næsta starf Sveins er í nágrenni við Dalvík en hann hefur verið ráðinn sem aðstoðarþjálfari KA í Pepsi-deildinni.
Óli Stefán Flóventsson tók við KA á dögunum. Óli Stefán og Sveinn spiluðu saman með meistaraflokki Grindavíkur frá 2003 til 2005 og þekkjast því nokkuð vel.
Smelltu hér til að lesa viðtal sem Fótbolti.net tók við Óla Stefán. Þar ræddi hann meðal annars um aðstoðarþjálfarastöðuna.
Sveinn Þór Steingrímsson er nýr aðstoðarþjálfari KA í knattspyrnu. Samningurinn er til tveggja ára og er mikil ánægja með að fá hann til félagsins! #LifiFyrirKA https://t.co/UQCiqG2FNc pic.twitter.com/mBsGzMwRC3
— KA (@KAakureyri) October 15, 2018
Athugasemdir