Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 16. janúar 2022 15:09
Brynjar Ingi Erluson
Arsenal býður Fiorentina 50 milljónir punda og Torreira fyrir Vlahovic
Dusan Vlahovic á leið til Englands?
Dusan Vlahovic á leið til Englands?
Mynd: EPA
Enska félagið Arsenal er búið að leggja fram tilboð í Dusan Vlahovic, framherja Fiorentina. Ítalski miðillinn Corriere della Sera segir frá.

Vlahovic er einn eftisóttasti bitinn á markaðnum þessa stundina en serbneski sóknarmaðurinn er með 19 mörk í 23 leikjum í öllum keppnum á þessu tímabili.

Hann verður samningslaus á næsta ári og hefur hann þegar ákveðið að framlengja ekki samning sinn við Flórensarfélagið.

Arsenal, Tottenham og Atlético Madríd eru í harðri baráttu um hann en Arsenal er búið að leggja fram tilboð eftir því sem Corriere della Sera kemst næst.

Félagið er búið að bjóða 50 milljónir punda og þá fær Fiorentina úrúgvæska miðjumanninn Lucas Torreira með en hann er á láni frá Arsenal.

Ekki er ljóst hvort Fiorentina sé reiðubúið að selja Vlahovic í þessum glugga.
Athugasemdir
banner
banner