16.01.22 - 17:23
Brynjar Ingi Erluson
Spænski konungsbikarinn: Gerðu grín að Jordan í leikslok
Joan Jordan treysti sér ekki til að spila áfram og ákvað dómarinn að fresta leiknum í gær
Mynd: EPA
Leikmenn Betis gátu fagnað í leikslok
Mynd: EPA
Joan Jordan treysti sér ekki til að spila áfram og ákvað dómarinn að fresta leiknum í gær
Mynd: EPA
Real Betis er komið í 8-liða úrslit spænska konungsbikarsins eftir 2-1 sigur á nágrönnum þeirra í Sevilla en spilað var frá 39. mínútu þar sem leikurinn var flautaður af í gær eftir að stuðningsmenn Real Betis köstuðu hlut í Joan Jordan, leikmann Sevilla.
Papu Gomez kom Sevilla yfir í gær á 35. mínútu áður en franski sóknartengiliðurinn Nabil Fekir jafnaði metin með marki beint úr hornspyrnu.
Leikmenn Betis fögnuðu markinu en í kjölfarið köstuðu stuðningsmenn Betis alls konar hlutum inn á völlinn. Jordan fékk einhverskonar járnstykki í hausinn en spænskir miðlar hafa sagt frá því að þjálfari Sevilla hafi talað við Jordan og sagt honum að setjast í grasið og þykjast vera dasaður.
Leiknum var frestað og var síðari hálfleikurinn spilaður fyrir luktum dyrum í dag. Sergio Canales skoraði sigurmark Betis á 73. mínútu og þar við sat.
Í leikslok gerðu svo nokkrir leikmenn Betis grín að Jordan en á meðal þeirra var Andrés Guardado sem kastaði flösku í hausinn á sér og þóttist vera meiddur í fagnaðarlátunum.
Valencia er þá einnig komið í 8-liða úrslit eftir 1-0 sigur á Atletico Baleares. Marcos Andre skoraði þegar innan við mínúta var búin af leiknum.
Úrslit og markaskorarar:
Atletico Baleares 0 - 1 Valencia
0-1 Andre Marcos ('1 )
Betis 2 - 1 Sevilla
0-1 Papu Gomez ('35 )
1-1 Nabil Fekir ('39 )
2-1 Sergio Canales ('73 )
Leikmenn Betis fögnuðu markinu en í kjölfarið köstuðu stuðningsmenn Betis alls konar hlutum inn á völlinn. Jordan fékk einhverskonar járnstykki í hausinn en spænskir miðlar hafa sagt frá því að þjálfari Sevilla hafi talað við Jordan og sagt honum að setjast í grasið og þykjast vera dasaður.
Leiknum var frestað og var síðari hálfleikurinn spilaður fyrir luktum dyrum í dag. Sergio Canales skoraði sigurmark Betis á 73. mínútu og þar við sat.
Í leikslok gerðu svo nokkrir leikmenn Betis grín að Jordan en á meðal þeirra var Andrés Guardado sem kastaði flösku í hausinn á sér og þóttist vera meiddur í fagnaðarlátunum.
Valencia er þá einnig komið í 8-liða úrslit eftir 1-0 sigur á Atletico Baleares. Marcos Andre skoraði þegar innan við mínúta var búin af leiknum.
Úrslit og markaskorarar:
Atletico Baleares 0 - 1 Valencia
0-1 Andre Marcos ('1 )
Betis 2 - 1 Sevilla
0-1 Papu Gomez ('35 )
1-1 Nabil Fekir ('39 )
2-1 Sergio Canales ('73 )
Sevilla has Owned by Guardado pic.twitter.com/FDOGjEHypG
— Reino Blaugrana 🐐🇨🇴 (@ReinoBlaugrana) January 16, 2022
The beauty of this goal by Fekir got ruined by an idiot throwing an iron bar on Joan Jordan. Game between Betis and Sevilla officially cancelled now. pic.twitter.com/PpMuMWch7C
— Patric (@Simplblue88) January 15, 2022
Leikmenn Betis gátu fagnað í leikslok
Mynd: EPA
