Naoli vann öflugan 0-2 útisigur á Fiorentina í morgun og tryggði sér þrjú dýrmæt stig í Meistaradeildarbaráttunni.

Lorenzo Insigne kom Napoli yfir þegar hann fylgdi á eftir vítaspyrnu sinni á 56. mínútu. Pietro Terracciano varði spyrnuna en frákastið féll fyrir Insigne.

Vítið var dæmt eftir skoðun í VAR og var Dragowski, varamarkvörður Fiorentina, svo ósáttur með dóminn að hann var rekinn af bekknum með rautt spjald.

Lorenzo Venuti varði svo fyrir því óláni að skora sjálfsmark á 67. mínútu og kom það mark Napoli í 0-2. Napoli var sterkara liðið í dag og verðskuldaði sigurinn.

Liðið er í 3. sæti með 76 stig þegar ein umferð er eftir. Stöðuna í deildinni má sjá hér að neðan og má sjá að baráttan er hörð um Meistaradeildarsæti!

Leikir dagsins:
Udinese 13:00 Sampdoria
Benevento 13:00 Crotone
Parma 16:00 Sassuolo
Milan 18:45 Cagliari