Fotbolti.net
16.09.22 - 17:30
Elvar Geir Magnússon

Howe: HM draumar Wilson eru enn á lífi

Howe: HM draumar Wilson eru enn á lífi
Canon

Mynd: EPA

Eddie Howe, stjóri Newcastle, telur að Callum Wilson eigi enn möguleika á að vinna sér inn sæti í enska landsliðinu fyrir HM í nóvember.

Wilson er meiddur í læri og er ekki í enska hópnum sem mætir Ítalíu og Þýskalandi í Þjóðadeildinni síðar í þessum mánuði.
Wilson hefur leikið fjóra landsleiki fyrir England og Howe telur enn að þeim gæti fjölgað enn frekar á HM.

„Ég vorkenni Callum því hann er ekki í hópnum. En þetta mun bara gera hann ákveðnari, þegar hann snýr aftur í lið okkar mun hann vilja sýna hversu góður hann er," segir Howe.

Wilson hefur verið talsvert mikið á meiðslalistanum og því keypti Newcastle Alexander Isak fyrir um 60 milljónir punda frá Real Sociedad í síðasta mánuði.

Wilson nálgast endurkomu en verður væntanlega ekki með gegn Bournemouth á morgun. Hann ætti að vera klár eftir landsleikjagluggann.

„Ég held að Callum eigi enn tíma til að komast í HM hópinn. Ég veit að Gareth (Southgate landsliðsþjálfari) er sammála. Hvað þarf Callum að gera? Hann þarf að snúa aftur, skora og sýna stöðugleika. Kannski þarf hann að hafa heppnina með sér einhvers staðar annars staðar til að komast með," segir Howe.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.