Zinchenko fagnaði EM sætinu meira en allir

Úkraína tryggði sér í fyrrakvöld farseðil á EM á næsta ári eftir 2-1 sigur á Portúgal.

Úkraína hefur tryggt sér sigur í B-riðli í undankeppninni en liðið er með átta stiga forskot á Portúgal og níu stiga forskot á Serbíu sem eiga bæði tvo leiki eftir.

Óhætt er að segja að enginn hafi verið ánægðari eftir leikinn í fyrrakvöld heldur en Oleksandr Zinchenko leikmaður Manchester City.

Zinchenko söng og dansaði í sjónvarpssviðtali og í sjónvarpsstúdíói eftir leik. Sjón er sögu ríkari!