Markvarðarstaðan hjá Fylki hefur mikið verið í umræðunni í upphafi móts. Ólafur Kristófer Helgason var í markinu í fyrstu tveimur leikjunum en Aron Snær Friðriksson hefur varið mark liðsins í síðustu tveimur.
Rætt hefur verið um hvort að hringl á markvörðum skaði öryggið í varnarlínunni og hvort það að skipta út markverði hafi áhrif á sjálfstraust hans til lengri tíma litið.
Rætt hefur verið um hvort að hringl á markvörðum skaði öryggið í varnarlínunni og hvort það að skipta út markverði hafi áhrif á sjálfstraust hans til lengri tíma litið.
Anton Freyr Jónsson, fréttaritari Fótbolta.net, spurði Atla Svein Þórarinsson, annan af þjálfurum Fylkis, út í markvarðaumræðuna eftir leikinn gegn Leikni í gær.
„Umfjöllunin svo sem snertir mig voðalega lítið. Menn vita náttúrulega vita þannig séð ekki hvað er í gangi hjá okkur inn á æfingasvæði. Við búum við það að vera með tvo mjög góða markmenn. Aron spilaði þennan leik og gerði það fínt. Ég reikna með að hann spili næsta leik líka."
Finnst þér Ólafur Kristófer hafa fengið ósanngjarna gagnrýni?
„Ég veit það ekki, ég hef svo sem ekki lesið hvern einasta staf. Óli er mjög efnilegur markmaður og spilaði að mörgu leyti mjög vel þessa tvo fyrstu leiki. Hann er vaxandi og á eftir að verða miklu miklu betri," sagði Atli. Viðtalið má sjá hér að neðan.
Næsti leikur Fylkis er gegn Keflavík á föstudag.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir