Fabrizio Romano greinir frá því að Barcelona sé reiðubúið til að virkja riftunarákvæðið í samningi Nico Williams við Athletic Bilbao.
Williams er með 58 milljón evru riftunarákvæði en ólíklegt þykir að Börsungar geti greitt alla upphæðina í einu. Stjórnendur þurfa því að ná samkomulagi við Athletic um greiðsludreifingu.
Williams ætlar að ekki að skoða nein samningstilboð fyrr en niðurstaða fæst í viðræðurnar við Barcelona þar sem leikmaðurinn er mjög spenntur fyrir að skipta þangað. Það gæti þó reynst erfitt að finna pláss í byrjunarliðinu þar sem hinir feykiöflugu Lamine Yamal og Raphinha eru byrjunarliðsmenn á köntunum hjá Barca.
Williams verður 23 ára í júlí og er með tvö ár eftir af samningi sínum við Athletic. Arsenal er meðal félaga sem hafa verið orðuð við kantmanninn knáa.
Athugasemdir
