Joel Campbell, framherji Arsenal, hefur samið við ítalska félagið Frosinone eftir sjö ár hjá Skyttunum.
Íslenski landsliðsmaðurinn Emil Hallfreðsson samdi á dögunum við Frosinone og Campbell er nýr liðsfélagi hans. Campbell er frá Kosta Ríka en hann samdi við Arsenal árið 2011.
Campbell hefur ekki náð að festa sig í sessi í aðalliði Arsenal en hann hefur á ferli sínum farið til FC Lorient, Olympiakos, Villarreal, Sporting Lisbon og Real Betis á láni.
Samtals hefur Campbell skorað þrjú mörk í 23 leikjum í ensku úrvalsdeildinni með Arsenal.
Frosinone mætir Atalanta í fyrstu umferðinni í Serie A á mánudaginn.
Athugasemdir