Mauricio Pochettino, stjóri Tottenham, var kátur eftir 2-2 jafntefli gegn Manchester City í dag.

Tottenham skoraði með báðum skotum sínum sem fóru á rammann á meðan Man City átti 30 marktilraunir.

„Ég er ástfanginn af VAR. Ég var ekki sammála því í fyrstu en stundum hjálpar það manni eins og í dag eða í Meistaradeildinni," sagði Pochettino brosandi að leikslokum.

„Ég gagnrýndi VAR í fyrstu en nú þurfum við að samþykkja þessa tækni. Ég efast ekki um að við munum fá ákvörðun á móti okkur í framtíðinni.

„Við getum ekki stöðvað framþróun tækninnar en þetta er erfitt því við erum enn ástfangin af því hvernig fótboltinn var fyrir 30 árum þegar dómarinn fór með öll völd. Þá gerðust ósanngjarnir hlutir en yfir heilt tímabil jafnast allt út."

Pochettino er afar sáttur að sleppa með stig af Etihad leikvanginum og segir að sínir menn þurfi að bæta sig fyrir næstu leiki.

„Ég er mjög ánægður með stigið en veit vel að við þurfum að bæta okkur á öllum sviðum. Við þurfum smá tíma til þess og erum að vinna hörðum höndum að umbótum."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit