Hollendingurinn Ron Jans hefur látið af störfum sem þjálfari FC Cincinnati í MLS-deildinni. Rannsókn stendur nú yfir hvort að Jans hafi látið frá sér N-orðið.
Jans er sagður hafa látið N-orðið falla þegar hann söng með lagi sem var í gangi í búningsklefanum. Leikmaður Cincinnati er talinn hafa látið Jans vita hversu mikla þýðingu orðið hefur í Bandaríkjunum.
Á vefsíðu Guardian kemur einnig fram að Jans hafi látið frá sér óviðeigandi ummæli um þrælahald þegar liðið heimsótti minnngarvott Washington DC í október.
Jans tók við Cincinnati í ágúst, undir lok fyrsta tímabils liðsins í MLS-deildinni. Hann sendi frá sér yfirlýsingu í dag þar sem hann þakkaði fyrir tíma sinn í Cincinnati og baðst afsökunar á því að „sagan þyrfti að enda svona."
Jans er 61 árs gamall og hefur þjálfað félög í Hollandi og Belgíu, auk Cincinnati.
Athugasemdir
