Þýskaland: Leipzig ekki jafnað sig eftir niðurlæginguna gegn Man City

RB Leipzig var niðurlægt af Manchester City í Meistaradeild Evrópu í miðri viku en leiknum lauk með 7-0 sigri City. Svo virðist sem að Leipzig hefur ekki jafnað sig á því afhroði en liðið tapaði í dag gegn fallbaráttuliði Bochum.

Schalke er í bullandi fallbaráttu en liðið náði í stig gegn Augsburg í dag. Schalke var einu marki undir en einum manni fleiri stóran hluta síðari hálfleiks. Liðið hefur þó verið að vakna til lífsins í deildinni að undanförnu og í dag náði það í stig í uppbótartíma þegar Bulter sýndi stáltaugar og skoraði af vítapunktinum.

Hoffenheim vann öruggan sigur á Hertha Berlin þar sem Króatinn Andrej Kramaric gerði tvennu en bæði mörkin komu af vítapunktinum í fyrri hálfleik.

Þá vann Wolfsburg góðan útisigur á Stuttgart. Dortmund og kvöld eigast við í lokaleik dagsins á eftir.

Hoffenheim 3 - 1 Hertha
1-0 Andrej Kramaric ('24 , víti)
2-0 Andrej Kramaric ('37 , víti)
3-0 Ihlas Bebou ('51 )
3-1 Stevan Jovetic ('90)
Rautt spjald: Munas Dabbur, Hoffenheim ('71)

Bochum 1 - 0 RB Leipzig
1-0 Erhan Masovic ('48 )

Augsburg 1 - 1 Schalke 04
1-0 Arne Maier ('51 )
1-1 M. Bulter - Víti ('90)
Rautt spjald: Ermedin Demirovic, Augsburg ('53)

Stuttgart 0 - 1 Wolfsburg
0-1 Omar Marmoush ('56 )