Carrick: Stórkostleg frammistaða

Matheus Cunha og Bruno Fernandes bjuggu til sigurmark United undir lok fyrri hálfleiks sem var átjánda stoðsending Fernandes í deildinni á þessu tímabili.

Þetta var það risastórt í baráttu United um að komast í Meistaradeildina á næstu leiktíð.

„Þetta var risastór sigur fyrir okkur. Frammistaðan var stórkostleg og að koma hingað og halda hreinu, og síðan verjast eins og við gerðum er bara stórkostlegt,“ sagði Carrick.

Fernandes er að eiga frábært tímabil í United-treyjunni og hrósaði Carrick honum í hástert eftir leik.

„Áhrif hans hafa verið okkur ótrúlega mikilvæg í langan tíma. Hann er þarna á stóru augnablikunum og í stóru leikjunum. Það er ástæða fyrir því að hann er fyrirliði liðsins. Bruno er með stóran persónuleika, nærveru og mikil leiðtogi.“

Carrick segist ekki vera að pæla í liðunum sem eru á eftir United heldur stefnir hann hærra með liðið.

„Við viljum ekki líta aftur um öxl heldur viljum við bæta okkur og horfa fram veginn. Við erum enn komnir nógu hátt því við viljum fara hærra, en þetta var risasigur og eitthvað sem stuðningsmennirnir geta notið,“ sagði Carrick.