„Það er aðeins betra bragð í muninnum eftir seinni hálfleik. Ömurlegt að við fengum ekki mark, en geggjað að vera svekktar að tapa á móti Englandi það er ekki alltaf þannig,'' segir Linda Lín eftir 0-1 tap gegn Englandi.
Lestu um leikinn: Ísland 0 - 1 England
Linda var að byrja sinn fyrst landsleik í dag og spilaði hennar fyrst mínútur fyrir landsliðið gegn Úkraínu.
„Maður reynir alltaf að bæta sig með hverjum leik og þetta er alveg stór bit en þetta er frábær hópur og vel leiðbeint. Það þarf bara að taka lærdómnum þegar hann kemur og bæta sig.''
Ísland átti nokkur dauðafæri í leiknum og voru leikmenn og áhorfendur hissa að nokkur af þessum færum fóru ekki inn í net Englendinga.
„Sko mér finnst bara frábært að við komust í þessi færi til þess að byrja með, það er alltaf helmingurinn eða meira af vinunni.''
Það var vel mætt á Laugardalsvöll í dag og stuðningsmenn stóðu þétt við bakið á stelpunum okkar.
„Það er bara geggjað. Það er svo mikilvægt og við fundum fyrir því. Sérstaklega þegar það leið á seinni hálfleik þessi dauðafæri voru að koma. Það trylltist allt og þetta gefur svo mikið og bara geggjað að sjá sem flesta í stúkunni.''
Hægt er að horfa á viðtalið í heild sinni hér fyrir ofan.
