Þór/KA valtaði yfir Hamrana þegar liðin mættust í Kjarnafæðismóti kvenna í Boganum í dag.

Þór/KA lék á als oddi og skoraði þrjú mörk á fyrstu 20 mínútum leiksins. Staðan var 3-0 í hálfleik, en markaveislan var þá aðeins nýbyrjuð.

Þór/KA bætti við sex mörkum til viðbótar í síðari hálfleiknum. Hulda Ósk Jónsdóttir var mjög öflug í liði Þórs/KA og skoraði fjögur mörk. María Catharina Ólafsdóttir Gros skoraði tvennu, og þá voru Jakobína Hjörvarsdóttir og Una Móeiður Hlynsdóttir einnig á skotskónum.

Þór/KA er með sex stig eftir tvo leiki í Kjarnafæðismótinu. Hamrarnir eru með þrjú stig, en þær unnu Tindastól 5-0 í fyrsta leik.

Markaskorarar af Facebook-síðu Þórs/KA og Hamrana. Ekki kemur fram þar hver skoraði sjöunda mark leiksins.