Það er nóg um að vera í evrópska boltanum í kvöld þar sem keppt er í 16-liða úrslitum Evrópudeildarinnar og Sambandsdeildarinnar.
Hér fyrir neðan má sjá byrjunarliðin úr helstu leikjum kvöldsins. Hákon Arnar Haraldsson er tekinn úr byrjunarliðinu hjá Lille eftir slaka frammistöðu í fyrri leiknum á heimavelli gegn Aston Villa.
Lille þarf á sigri að halda á útivelli og leiðir Olivier Giroud sóknarlínuna á Villa Park. Unai Emery þjálfari Villa gerir fjórar breytingar frá fyrri leiknum. Tammy Abraham, John McGinn, Victor Lindelöf og Ian Maatsen koma inn í byrjunarliðið.
Roma og Bologna eigast svo við í ítölskum slag og mæta bæði lið til leiks með sterk byrjunarlið. Stephan El Shaarawy fær tækifærið í sóknarlínu Rómverja og er Federico Bernardeschi í byrjunarliðinu hjá Bologna.
Porto spilar svo við Stuttgart í spennandi slag eftir að Portúgalirnir unnu fyrri leikinn í Þýskalandi áður en Real Betis fær Panathinaikos í heimsókn.
Panathinaikos vann 1-0 í Grikklandi og átti Sverrir Ingi Ingason stórleik. Hann er aftur á sínum stað í hjarta varnarinnar og þarf að hafa gætur á mönnum á borð við Antony og Cucho Hernández í sóknarlínunni.
Þessir leikir fara fram í Evrópudeildinni en í Sambandsdeildinni eru
Logi Tómasson og Gísli Gottskálk Þórðarson í byrjunarliðunum hjá Samsunspor og Lech Poznan.
Samsunspor heimsækir Rayo Vallecano til Spánar á meðan Lech Poznan spilar við úkraínska Shakhtar Donetsk á 'heimavelli' Shakhtar í Póllandi.
Íslendingaliðin eru bæði 3-1 undir fyrir útileikina.
Evrópudeildin
Aston Villa: Martinez, Bogarde, Lindelöf, Torres, Maatsen, Onana, D.Luiz, Rogers, McGinn, Sancho, Abraham
Lille: Özer, Meunier, Mbemba, Alexsandro, Ngoy, Perraud, Bentaleb, Bouaddi, Mukau, Correia, Giroud
Roma: Svilar, Mancini, Ndicka, Hermoso, Wesley, Celik, Kone, Cristante, Pisilli, El Shaarawy, Maalen
Bologna: Ravaglia, Zortea, Vitik, Lucumi, Joao Mario, Freuler, Pobega, Ferguson, Bernardeschi, Rowe, Castro
Porto: D.Costa, A.Costa, T.Silva, Bednarek, Zaidu, Fofana, Rosario, Mora, W.Gomes, Sainz, Moffi
Stuttgart: Nubel, Jaquez, Chabot, Hendriks, Mittelstadt, Karazor, Stiller, Undav, El Khannouss, Fuhrich, Demirovic
Real Betis: Lopez, Bellerin, Bartra, Natan, Rodriguez, Amrabat, Fornals, Ezzalzouli, Antony, Hernandez, Ruibal
Panathinaikos: Lafont, Calabria, Katris, Ingason, Hernandez, Kyriakopoulos, Bakasetas, Sanches, Pellistri, Taborda, Tetteh
Sambandsdeildin
Samsunspor: Kocuk, Mendes, Cift, Satka, Van Drongeien, Tómasson, Yuksel, Holse, Makoumbou, Ndiaye, Marius
Lech Poznan: Mrozek, Gumny, Monka, Milic, Kozubal, Þórðarson, Palma, Moutinho, Ismaheel, Rodriguez, Ishak
Athugasemdir
