Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   mán 19. apríl 2021 19:02
Ívan Guðjón Baldursson
Svíþjóð: Kolbeinn afgreiddi AIK með tvennu
Mynd: Fótbolti.net - Hafliði Breiðfjörð
Göteborg 2 - 0 AIK
1-0 Kolbeinn Sigþórsson ('3)
2-0 Kolbeinn Sigþórsson ('38)

Kolbeinn Sigþórsson skoraði bæði mörkin er Gautaborg lagði hans fyrrum félag í AIK að velli í sænska boltanum í dag.

Kolbeini tókst ekki að skora fyr­ir AIK í átján leikj­um í sænsku deild­inni en gerði gömlu félögunum grikk í dag.

Kolbeinn skoraði tvennuna í jöfnum fyrri hálfleik. Heimamenn í Gautaborg voru mun betri eftir leikhlé en náðu ekki að bæta við forystuna.

Slóvakíska goðsögnin Marek Hamsik kom inn af bekknum í liði heimamanna á 75. mínútu. Hann er 33 ára gamall og gerði garðinn frægan hjá Napoli og með slóvakíska landsliðinu.

Frábær endurkoma hjá Kolbeini eftir meiðsli en Gautaborg er með fjögur stig eftir tvær umferðir. Liðið gerði markalaust jafntefli við Örebro í fyrstu umferð.
Athugasemdir
banner
banner
banner