Messi og Suarez ásamt eiginkonum sínum.
Framtíð Lionel Messi hjá Barcelona er enn í óvissu en það er engin óvissa í vinskap hans og Luis Suarez.
Messi og Suarez eru bestu vinir en þeir voru samherjar hjá Barcelona og ná afskaplega vel saman, bæði innan og utan vallar.
Börsungar framlengdu ekki við Suarez sem gekk í raðir Atletico Madrid á frjálsri sölu fyrir þetta tímabil.
Messi og Suarez eru bestu vinir en þeir voru samherjar hjá Barcelona og ná afskaplega vel saman, bæði innan og utan vallar.
Börsungar framlengdu ekki við Suarez sem gekk í raðir Atletico Madrid á frjálsri sölu fyrir þetta tímabil.
Það er ein umferð eftir af spænsku deildinni og ef Atletico vinnur Valladolid á laugardag verður lið Diego Simeone meistari í fyrsta sinn síðan 2014. Ef Real Madrid misstígur sig gegn Villarreal þá þarf Atletico ekki að vinna til að verða meistari.
Ronald Koeman, stjóri Barcelona, gaf sínum leikmönnum tveggja daga frí eftir helgina og Messi nýtti tækifærið og heimsótti Suarez til Madrídar.
Suarez og Messi borðuðu saman á ítalska veitingastaðnum Numa Pompilio í miðborg Madrídar ásamt eiginkonum sínum; Sofia Balbi og Antonella Rocuzzo sem eru einnig miklar vinkonur.
Luis Suarez og Lionel Messi mættust á fótboltavellinum nýlega, 0-0 enduðu leikar.
Athugasemdir
