Böðvar Böðvarsson var í byrjunarliði Helsingborg sem tók á móti Norrby í sænsku B-deildinni.

Norrby komst í tveggja marka forystu á fyrsta hálftímanum en eftir það tóku heimamenn völdin á vellinum.

Boltinn rataði þó ekki í netið og varð verkefnið erfiðara á 67. mínútu þegar Böðvar fékk annað gula spjald sitt í leiknum.

Lokatölur urðu því 0-2 og er Norrby í öðru sæti, með þrettán stig eftir sjö umferðir. Helsingborg er með níu stig eftir að hafa tapað síðustu tveimur leikjum í röð.