„Það sjá allir hversu hungraður Gylfi er"

„Geggjað að halda þeim (Gylfa og Karli Friðleifi Gunnarssyni sem framlengdi líka), þetta eru hrikalega öflugir leikmenn og mikilvægir fyrir Víking. Þetta eru gleðifréttir fyrir okkur Víkinga."

„Það sjá allir hversu hungraður Gylfi er, hungraður til þess að spila áfram og gleðin skín af honum hérna í Víkinni. Hann er kominn á góðan stað þar sem honum líður vel á. Ég get alveg skilið að það hafi verið auðvelt fyrir hann að endursemja," sagði Sölvi við Fótbolta.net eftir leikinn.

Gylfi er fæddur 1989 og kom til Víkings frá Val fyrir tímabilið í fyrra og hjálpaði liðinu að verða Íslandsmeistari síðasta haust. Hann er markahæsti leikmaður í sögu landsliðsins og hefur verið í öllum landsliðshópum Arnars Gunnlaugssonar þar sem af er ári.

Næsti leikur Víkings er toppslagur gegn Fram á útivelli á sunnudagskvöld.