Rúnar Kristinsson.
KR-ingar unnu 1-0 sigur gegn Víkingi Reykjavík í kvöld og eru komnir enn nær Íslandsmeistaratitlinum.
Lestu um leikinn: KR 1 - 0 Víkingur R.
„Við vorum varkárir í dag, vorum með tvo djúpa miðjumenn. Hafandi séð Víkinga vinna Blika þá sá maður hversu góðir þeir eru. Við ákváðum að vera varkárir í dag. Við höfum verið að fá mörg mörk á okkur í síðustu tveimur leikjum og þurftum að laga það," sagði Rúnar Kristinsson, þjálfari KR.
Hversu kærkomið var að taka sigur eftir að hafa tapað tveimur leikjum í röð?
„Þetta var ofboðslega mikilvægt. Við höfum aðeins misst fókusinn í leikjunum á undan. Við þurftum að rísa aftur upp á lappirnar. Við þurftum að fara í grunnvinnu sem lá í því að vera þéttir og forðast það að fá á okkur mark. Við gleymdum aðeins fegurðinni í fótboltanum því hún er ekki alltaf þannig að hún gefur þér árangur."
Í viðtalinu tjáir Rúnar sig meðal annars um meiðsli Kennie Chopart sem borinn var af velli á börum.
Athugasemdir
