Lestu um leikinn: Katar 2 -  2 Ísland

„Við erum að gefa mikið af feilsendingum og erum að tapa boltanum of auðveldlega. Það vantaði gæðin hjá okkur," sagði Ari Freyr.

Ari Freyr átti aukaspyrnu sem rataði í netið í fyrri hálfleik. Boltinn hafði viðkomu í markverði Katar en ef Ari fær markið skráð á sig, þá er þetta hans fyrsta landsliðsmark.

„Þetta er klárlega mitt mark. Ég vona að ég fái þetta skráð á mig þá er þetta fyrsta markið mitt. Ég trúi ekki að dómarinn fari að skoða þetta of mikið."

„Ég hef fengið fyrirliðabandið áður, maður var einn af þeim helstu á vellinum, en maður er aðallega svekktur að hafa ekki náð að vinna síðasta leikinn á árinu."

Ísland spilaði aftur í kvöld með þriggja manna vörn. Ari segir að það sé upplagt fyrir sig en liðið þurfi í heild að æfa það betur.

Það verður dregið í undankeppni EM í desember. Ari býst við því að fá Króatíu þar. „Ætli við fáum ekki Króatíu, er það ekki hægt?"

Viðtalið er í heild sinni hér að ofan.