Brighton hefur hafnað 55 milljóna punda tilboði Chelsea í ekvadorska miðjumanninn Moises Caiceod (21). (Athletic)

Chelsea sendi Tottenham fyrirspurn varðandi miðjumanninn Yves Bissouma (26). (Telegraph)

Newcastle United er með níu nöfn á blaði sem Eddie Howe vill fá. Þar á meðal er enski framherjinn Anthony Gordon (21) hjá Everton og þrír leikmenn Chelsea; marokkóski vængmaðurinn Hakim Ziyech (29) og ensku miðjumennirnir Conor Gallagher (22) og Ruben Loftus-Cheek (26). (Telegraph)

Newcastle hefur gert 13,5 milljóna punda tilboð í Matheus Franca (18), framherja Flamengo. (Mail)

Enski miðjumaðurinn Jude Bellingham (19) mun funda um framtíð sína hjá Borussia Dortmund en hann hefur komið þeim skilaboðum til Real Madrid að hann vilji frekar fara til Spánar en í ensku úrvalsdeildina. (Mirror)

Liverpool er enn bjartsýnt á að geta fengið Bellingham og vill bjóða honum möguleika á að verða 'nýr Steven Gerrard' á Anfield. (Florian Plettenburg)

Tottenham vill fá Nicolo Zaniolo (23) frá Roma. Ítalska félagið er tilbúið að selja eða lána með skyldu um framtíðarkaup. (Sky Sports)

Milan Skriniar (27) mun ekki skrifa undir nýjan samning við Inter á næstunni. Slóvakíski miðvörðurinn verður samningslaus í sumar og skoðar möguleika sína. (Sky Sports Italia)

Aston Villa er í viðræðum um kaup á franska sóknarmanninum Moussa Dembele (26) en samningur hans við Lyon rennur út í sumar. (90min)

Everton er í viðræðum við Rennes um ganverska landsliðsmanninn Kamaldeen Sulemana (20). (Givemesport)

Úlfarnir hafa komist að samkomulagi við West Ham um 3,3 milljóna punda kaupverð á enska varnarmanninum Craig Dawson (32). (Independent)
Arsenal hefur áhuga á enska vængmanninum Jaidon Anthony (23) hjá Bournemouth. Mikel Arteta vill auka breiddina í leikmannahópi sínum. (Mail)

Arsenal þarf að ná að skrá Leandro Trossard (28) fyrir klukkan 12 í dag til að belgíski landsliðsmaðurinn verði löglegur til að spila gegn Manchester United á sunnudag. Arsenal er að kaupa Trossard frá Brighton. (Mirror)

Chelsea er tilbúið að berjast við Tottenham um spænska markvörðinn David Raya (27) hjá Brentford. Tottenham heufr einnig áhuga á slóvenska markverðinum Jan Oblak (30) hjá Atletico Madrid. (Evening Standard)

Crystal Palace ætlar ekki að missa bæði Michael Olise (21) og Wilfried Zaha (30) í sumar, tvo af sínum hæfileikaríkustu leikmönnum. (Mail)

Leicester hefur áhuga á Harry Souttar (24) miðverði Stoke City og hefur boðið 10 milljónir punda í ástralska landsliðsmanninn sem sló rækilega í gegn á HM. (GianlucaDimarzio.com)