Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 20. janúar 2023 13:15
Elvar Geir Magnússon
Danny Ings til West Ham á 15 milljónir punda (Staðfest)
Danny Ings er mættur.
Danny Ings er mættur.
Mynd: West Ham
Mynd: EPA
West Ham hefur keypt sóknarmanninn Danny Ings frá Aston Villa á 15 milljónir punda. Kaupverðið er reyndar 12 milljónir en hækkar upp í 15 ef West Ham nær að halda sér í deild þeirra bestu.

Ings er þrítugur og ætti að vera kominn með leikheimild fyrir fallbaráttuslaginn gegn Everton á morgun.

Ings gerði samning til 2025 en hann var hjá Villa í 18 mánuði, eftir að hafa verið keyptur á 25 milljónir punda í ágúst 2021.

„Ég er afskaplega spenntur. Það er mikilvægt að ég aðlagist sem fyrst til að geta verið mikilvægur í þeirri baráttu sem West Ham er í. Ég mun reyna að skora eins mörg mörk og ég get til að aðstoða liðið að ná jákvæðum úrslitum," segir Ings.

Aðeins Úlfarnir hafa skorað færri mörk en þau fimmtán sem West Ham hefur skorað á tímabilinu og David Moyes vill styrkja sóknarleikinn til að klifra upp töfluna.

Ings er þrítugur og hefur leikið þrjá landsleiki fyrir England, hann er með sjö mörk í 21 leik á tímabilinu.

Mörkin hans sex í úrvalsdeildinni eru einu marki meira en tveir helstu sóknarmenn West Ham, Michael Antonio og Gianluca Scamacca, hafa skorað saman. Scamacca var keyptur á yfir 30 milljónir punda síðasta sumar.

West Ham er komið niður í fallsæti í ensku úrvalsdeildinni.

Fyrir utan tímann hjá Liverpool, þar sem meiðsli settu strik í reikninginn, hefur Ings sannað sig sem stöðugur markaskorari í úrvalsdeildinni. Hann spilaði áður fyrir Burnley og Southampton en gekk í raðir Villa 2021. Hann byrjaði síðast úrvalsdeildarleik fyrir Villa þann 13. nóvember.


Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner