Trossard er 28 ára vængmaður og var í belgíska landsliðinu á HM í Katar. Hann hefur skorað sjö mörk í sextán úrvalsdeildarleikjum á þessu tímabili, þar á meðal þrennu gegn Liverpool á Anfield í október.

„Það er gott starf hjá öllum hjá félaginu að klára kaupin á Leandro. Hann er fjölhæfur leikmaður með mikla tæknilega getu, er klókur og með mikla reynslu úr úrvalsdeildinni og landsliðinu,“ segir Mikel Arteta, stjóri Arsenal. „Leandro styrkir leikmannahóp okkar fyrir seinni hluta tímabilsins."

Öll pappírsmál hafa verið kláruð og Trossard ætti að vera löglegur fyrir leikinn gegn Manchester United á sunnudaginn.