Byrjunarlið Bournemouth og Man Utd: Sesko áfram á bekknum

Andoni Iraola gerir tvær breytingar á byrjunarliðinu sem gerði markalaust jafntefli við Burnley í síðustu umferð. Bournemouth er búið að gera fjögur jafntefli í röð í úrvalsdeildinni á meðan Man Utd er á flottu skriði með þrjá sigra í síðustu fjórum leikjum.

Bakvörðurinn Álex Jiménez kemur inn í byrjunarliðið ásamt Amine Adli. Þeir taka stöður Adam Smith og Eli Junior Kroupi í liðinu.

Michael Carrick teflir fram sama byrjunarliði og hafði betur gegn Aston Villa um síðustu helgi.

Benjamin Sesko þarf að sætta sig við áframhaldandi bekkjarsetu þrátt fyrir að vera búinn að skora 8 mörk í síðustu 10 leikjum - yfirleitt komandi inn af bekknum.

Bryan Mbeumo er fremsti sóknarmaður með Matheus Cunha og Amad Diallo á köntunum.

Bournemouth: Petrovic; Alejandro Jiménez, Hill, Senesi, Truffert; Scott, Christie; Adli, Tavernier, Rayan; Evanilson.
Varamenn: Mandas, Brooks, Gannon-Doak, Smith, Diakite, Kroupi, Ünal, Tóth, Milosavljevic

Man Utd: Lammens, Dalot, Yoro, Maguire, Shaw, Casemiro, Mainoo, Diallo, Fernandes, Cunha, Mbeumo
Varamenn: Bayindir, Fredricson, Heaven, Malacia, T. Fletcher, Mount, Ugarte, Sesko, Zirkzee.