Í samningaviðræðum við Maguire og Mainoo

Maguire er 33 ára miðvörður sem á aðeins nokkra mánuði eftir af samningi við Man Utd. Hann er í viðræðum um eins árs framlengingu sem gildir til sumarsins 2027.

Mainoo er aðeins tvítugur og með rétt rúm tvö ár eftir af samningi. Hann var óhamingjusamur hjá United undir stjórn Rúben Amorim en Michael Carrick bráðabirgðaþjálfari hefur miklar mætur á miðjumanninum.

Mainoo hefur staðið sig vel frá því að Carrick tók við og dreymir ungstirnið um að komast með Englandi á lokamót HM.

David Ornstein hjá The Athletic segir að samkomulag United við Maguire sé í höfn og það eigi einungis eftir að fínpússa nokkur smáatriði áður en hægt verður að skrifa undir.

Fabrizio Romano segir frá viðræðunum við Mainoo sem eru einnig komnar langt á leið.

Sky Sports tekur undir fréttaflutninginn og segir að samkvæmt sínum heimildarmönnum munu báðir leikmenn skrifa undir nýja samninga á næstu vikum.

TENGT EFNI20.03.26 - 10:02

Maguire snýr aftur í enska landsliðið - Mainoo líka í hópnum