Chelsea hefur áhuga á Openda - Arsenal vill Onana - Chelsea hafnar tilboði Atletico
   mán 20. maí 2024 19:00
Brynjar Ingi Erluson
Besta deildin: KR rétt marði FH í Kaplakrika
KR-ingar eru komnir aftur á sigurbraut
KR-ingar eru komnir aftur á sigurbraut
Mynd: Fótbolti.net - Sævar Geir Sigurjónsson
FH 1 - 2 KR
0-1 Aron Sigurðarson ('36 , víti)
0-2 Theodór Elmar Bjarnason ('41 )
1-2 Úlfur Ágúst Björnsson ('63 )
Lestu um leikinn

KR er komið aftur á sigurbraut eftir að hafa unnið nauman 2-1 sigur á FH í 7. umferð Bestu deildar karla í Kaplakrika í kvöld. Þetta var fyrsti sigur KR í rúman mánuð.

Fyrstu tuttugu mínútur leiksins voru fremur rólegar svona ef horft er á færin en það fór að lifna yfir þessu eftir það. Bæði lið sköpuðu sér fína sénsa en fyrsta markið kom ekki fyrr en á 36. mínútu.

KR-ingar fengu umdeilda vítaspyrnu er Sindri Kristinn Ólafsson fór í bakið á Finni Tómasi Pálmasyni.

Aron Sigurðarson fór á punktinn og skoraði fyrsta mark leiksins en þetta mark kom KR-ingum í gírinn. Theodór Elmar Bjarnason tvöfaldaði forystuna.

Benoný Breki Andrésson sendi Luke Rae í gegn, sem lagði hann á Theodór Elmar. Hann lét vaða á markið, en boltinn hafði viðkomu af Ísaki Óla Ólafssyni áður en hann fór í netið.

FH-ingar komu brjálaðir inn í síðari hálfleikinn, ákveðnir í að snúa við taflinu. Logi Hrafn Róbertsson skoraði á 56. mínútu en markið var dæmt af vegna brots í aðdragandanunum, stuðningsmönnum FH ekki til mikillar hamingju.

Heimamenn sóttu fjölmargar hornspyrnur á nokkrum mínútum og auðvitað hlaut ein þeirra að skila tilsettum árangri. Kjartan Kári Halldórsson kom með boltann inn í teiginn og var það Úlfur Ágúst Björnsson sem stangaði boltann í netið.

Á síðustu tuttugu mínútunum fengu FH-ingar urmul af færum til að jafna en fóru illa með þau. Guy Smit varði vel frá Vuk Oskari Dimitrijevic og Sigurði Bjarti Hallssyni.

KR-ingum tókst á einhvern ótrúlegan hátt að halda þetta út og ná í fyrsta sigurinn síðan 12. apríl. Langþráður sigur hjá gestunum sem eru nú með 10 stig í 6. sæti en FH í 3. sæti með 12 stig.
Besta-deild karla
Lið L U J T Mörk mun Stig
1.    Víkingur R. 11 8 2 1 27 - 12 +15 26
2.    Breiðablik 10 7 1 2 24 - 12 +12 22
3.    Valur 11 6 4 1 25 - 14 +11 22
4.    ÍA 10 5 1 4 20 - 14 +6 16
5.    Stjarnan 11 5 1 5 21 - 20 +1 16
6.    FH 10 4 2 4 18 - 20 -2 14
7.    Fram 10 3 4 3 13 - 14 -1 13
8.    KR 10 3 2 5 19 - 21 -2 11
9.    HK 10 3 1 6 10 - 18 -8 10
10.    Vestri 10 3 1 6 13 - 23 -10 10
11.    Fylkir 10 2 1 7 15 - 27 -12 7
12.    KA 9 1 2 6 13 - 23 -10 5
Athugasemdir
banner
banner