Eyþór Aron Wöhler (ÍA)
„Ég þurfti að hitamæla sjálfan mig eftir að hafa ekki valið hann mann leiksins á miðvikudagskvöldið. Hann átti það fullkomlega skilið," sagði Sæbjörn Steinke um Eyþór Aron Wöhler í Innkastinu eftir síðustu umferð í Bestu deildinni. Eyþór var valinn næstbestur í leiknum strax eftir leik.
Eyþór er sterkasti leikmaður 9. umferðar Bestu deildar karla eftir frábæra frammistöðu í 3-3 jafntefli ÍA gegn KR. Eyþór skoraði tvö mörk í leiknum og lagði upp eitt.
Eyþór var til viðtals á Stöð 2 Sport eftir leikinn gegn KR:
„Jón Þór er búinn að „drilla“ okkur vel í pásunni, koma kantmönnunum meira inn í leikinn og koma með fleiri krossa. Það gekk vel í þessum leik og við skorum eftir þrjá krossa. Vonandi bara heldur það áfram. Ég tek alltaf stigin þrjú frekar en mörkin. Þetta var ágætt hjá mér en svekkelsi fyrst og fremst,“ sagði Eyþór við Stöð 2 Sport.
Eyþór er tvítugur og hefur skorað þrjú mörk í níu leikjum. Hann hefur fengið mikið traust í upphafi tímabils og er þakklátur fyrir það.
„Það hefur bara verið geggjað að fá traustið frá Jóni Þór. Eins og ég segi í fyrsta skiptið og í þessari deild. Það er mikið þakklæti til Jóns Þórs að treysta mér og vonandi bara „delivera“ ég“ sagði Eyþór.
Sjá einnig:
Sterkasta lið 9. umferðar
Leikmenn umferðarinnar:
8. umferð - Guðmundur Magnússon (Fram)
7. umferð - Daníel Laxdal (Stjarnan)
6. umferð - Jason Daði Svanþórsson (Breiðablik)
5. umferð - Tryggvi Hrafn Haraldsson (Valur)
4. umferð - Ísak Snær Þorvaldsson (Breiðablik)
3. umferð - Emil Atlason (Stjarnan)
2. umferð - Oliver Stefánsson (ÍA)
1. umferð - Ísak Snær Þorvaldsson (Breiðablik)
Athugasemdir
