Danmörk: Bröndby stal sigrinum gegn Ragga Sig og félögum

Kamil Wilczek kom heimamönnum yfir snemma leiks en Jesper Lindström jafnaði fyrir gestina og staðan jöfn í leikhlé eftir nokkuð jafnan fyrri hálfleik.

Heimamenn í Kaupmannahöfn voru mun betri í síðari hálfleik en náðu ekki að koma knettinum í netið. Mikael Uhre stal sigrinum fyrir Bröndby með marki þvert gegn gangi leiksins í uppbótartíma.

Kaupmannahöfn 1 - 2 Bröndby
1-0 Kamil Wilczek ('12)
1-1 Jesper Lindström ('31)
1-2 Mikael Uhre ('94)

Aron Elís Þrándarson kom þá við sögu er OB gerði jafntefli við Nordsjælland.

Staðan var markalaus í leikhlé eftir nokkuð jafnan fyrri hálfleik en heimamenn í Óðinsvé tóku stjórn á leiknum í síðari hálfleik.

Gestirnir tóku þó forystuna á 55. mínútu en skömmu síðar var Emmanuel Sabbi búinn að jafna fyrir OB.

Aron Elís kom inn á 77. mínútu en tókst ekki að breyta gangi mála og lokatölur urðu 1-1.

Bröndby er með sex stig, OB með fjögur og er Kaupmannahöfn án stiga.

Odense 1 - 1 Nordsjælland
0-1 Isaac Atanga ('55)
1-1 Emmanuel Sabbi ('57)