Fotbolti.net
20.12.17 - 20:41
Guðmundur Aðalsteinn Ásgeirsson

Clement rekinn frá Swansea (Staðfest)

Clement hefur verið látinn taka pokann sinn.

Clement hefur verið látinn taka pokann sinn.

Canon

Mynd: Getty Images

Swansea hefur rekið knattspyrnustjóra sinn, Paul Clement. Frá þessu er greint í fréttatilkynningu í kvöld.

Clement tók við Swansea í janúar þegar liðið var í slæmri stöðu. Undir hans stjórn og með Gylfa Sigurðsson í aðalhlutverki endaði liðið í 15. sæti ensku úrvalsdeildarinnar á síðasta tímabili.

Svönunum hefur ekki gengið vel á þessu tímabili, liðið hefur aðeins unnið þrjá deildarleiki af 18 og er á botninum.

Eftir tap gegn Everton á mánudagskvöld, þar sem Gylfi Sigurðsson var á skotskónum gegn sínum gömlu félögum, var stjórnarmönnum Swansea nóg boðið. Clement hefur verið látinn taka pokann sinn.
„Við gátum ekki frestað þessu lengur, við þurftum að gera breytingu,\" sagði Huw Jenkins, stjórnarformaður Swansea.

Clement skrifaði undir tveggja- og hálfs árs samning við Swansea í janúar en áður en hann fór til Wales hafði hann verið aðstoðarmaður Carlo Ancelotti hjá Chelsea, PSG, Real Madrid og Bayern. Hann hafði einnig stýrt Derby í stutta stund.

Swansea missti tvo af sínum bestu mönnum í sumar, Fernando Llorente og Gylfa Sigurðsson. Leikmennirnir sem komu í staðinn hafa einfaldlega ekki verið nægilega góðir.

Talið er að Swansea vilji ráða nýjan knattspyrnustjóra sem fyrst, og gæti það jafnvel gerst á morgun eða föstudag.

Tony Pulis er líklegastur í starfið hjá veðbönkum, en samkvæmt Wales Online er Swansea ekki að íhuga hann. Ryan Giggs og Ronald Koeman þykja af mörgum líklegri.

This is now the third December in a row Swansea have sacked their manager. Some people will do anything to avoid buying a Christmas present.

— Paddy Power (@paddypower) December 20, 2017

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.