Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 21. maí 2021 17:57
Guðmundur Aðalsteinn Ásgeirsson
Væntingar gerðar til Amöndu eftir öflugt undirbúningstímabil
Mynd: Getty Images
Hin 17 ára gamla Amanda Andradóttir er á leið í sitt fyrsta tímabil með norska meistaraliðinu Vålerenga eftir að hafa spilað með Nordsjælland í Danmörku í fyrra.

Ingibjörg Sigurðardóttir er einnig á mála hjá Vålerenga en hún var besti leikmaðurinn í Noregi í fyrra þegar félagið vann tvöfalt.

Á vefmiðlinum Kvinneidrett er hitað upp fyrir tímabilið í Noregi með spá fyrir deildina. Vålerenga er spáð þriðja sæti en þar er fólk beðið um að fylgjast vel með Amöndu sem verður 18 ára í desember.

„Hún hefur verið í stóru hlutverki á undirbúningstímabilinu og hún er leikmaður sem við munum sjá meira af í framtíðinni," segir um miðjumanninn efnilega.

Í greininni er Amanda einnig sett á bekkinn yfir leikmenn sem gætu komist í lið tímabilsins í Noregi.

Amanda, sem er dóttir Andra Sigþórssonar og frænka Kolbeins Sigþórssonar, þykir gríðarlega efnileg en hún getur valið að spila á fyrir íslenska eða norska landsliðið. Hún hefur spilað fyrir yngri landslið Íslands.

Sjá einnig:
Amanda fór 15 ára erlendis: Er mikið tengd báðum löndum
Athugasemdir
banner
banner
banner