21.05.22 - 14:25
Jóhann Þór Hólmgrímsson
Ronaldo ekki með í síðasta leik undir stjórn Rangnick
Mynd: EPA
Mynd: EPA
Cristiano Ronaldo hefur leikið sinn síðasta leik á tímabilinu fyrir Manchester United en hann verður ekki með liðinu á morgun þegar liðið mætir Crystal Palace í loka umferðinni.
Hann er að kljást við meiðsli á mjöðm og getur því ekki tekið þátt í síðasta leik Ralf Rangnick undir stjórn félagsins. Erik ten Hag mun taka við af honum þegar tímabilinu líkur.
United hefur ekki spilað leik síðustu tvær vikur en síðasti leikur liðsins var slæmt 4-0 tap gegn Brighton þann 7. maí.
Ronaldo skrifaði undir tveggja ára samning við félagið síðasta sumar. Ten Hag hefur sagt að hann vilji halda Portúgalanum.
