Eysteinn Húni þjálfari Keflavíkur
Fram og Keflavík mættust í Inkasso deildinni í kvöld. Leiknum lauk með langþráðum 1-2 sigri Keflvíkinga. Eysteinn Hún Hauksson þjálfari Keflavíkur mætti í viðtal og þegar hann var spurður hvernig tilfinningin væri sagði hann:
“Hún er góð, hún er töluvert betri en hin í jafnteflunum og að láta vinna okkur. Það gefur augað leið, hún er góð og það var vel fagnað inní klefa.”
“Við héldum fund núna í vikunni eftir að við höfðum steinlegið þarna fyrir Magna í mögnuðum leik og fórum aðeins yfir hverjar við töldum leiðirnar að sigrunum og ég held að við höfum bara farið eftir því sem var talað um þar hér í kvöld.” Sagði Eysteinn.
Ungur strákur að nafni Gunnólfur Björgvin stal senunni í Safamýrinni í kvöld og setti bæði mörk Keflavíkur. En hver er þessi strákur?
“Þetta er bara strákur sem bara í 2. flokknum hjá okkur og hefur sýnt það hugarfar sem við erum að leita eftir og nú er smá “challenge” á hann eftir þetta að halda því áfram."
Viðtalið í heild sinni má sjá í sjónvarpinu hér að ofan.
Athugasemdir
